Fondation Jules et Paul-Émile Léger prezan epi angaje nan kominote Leyogàn, an Ayiti, depi 1989. Pou konnya, Fondasyon an mennen yon pwojè sou sante fanm ki ap fè pitit ak sante timoun, ki se yon kokennchenn travay pou kwape kantite manman ak timoun ki ap mouri nan lokalite a, ki pami zòn ki gen plis ka lanmò nan peyi a. Se konsa pwojè ki rele PROSAMI a fè an sòt ke li bay jarèt nan sèvis ki ap ede fanm akouche, ki ap okipe de sante timoun ak tibebe ki fenk fèt yo nan lopital ak sant sante ki nan zòn Leyogàn-Gresye, pou yo konstwi yon sant chiriji obstetrik epi amelyore sèvis ki ap bay nan senk sant sante kominote.

Fondasyon an ap travay tou pou li antre nan santiman popilasyon ayisyèn lan sou kesyon dwa sante epi fè konnen nouvo sèvis ki genyen yo, gras ak kreyasyon yon rezo 50 ajan sante kominote. Nan peyi Kanada, Fondasyon an bay tèt li tou kòm okipasyon pou li antre nan santiman popilasyon an gras ak divès aktivite sou pwoblèm ki konsène Sante manman yo, tibebe yo ak timoun yo nan peyi Dayiti.

Pou sa kapab rive fèt, Fondation Jules et Paul-Émile Léger komanse yon pwojè dokimantè entènèt, MATÈNITE, ke Approprimage kreye, pou li kapab pale de traka pou sante manman ak timoun an Ayiti. Matènite montre aklè tout reyalite sa yo gras ak pòtre gason epi sitou fanm ki ap mate anba touman fè pitit nan peyi yo. Chak grenn nan yo rive pale de yon koze nasyonal lajman laj ki chaje ak nanm Epi kòz ki poko fin bout.

Nan lide pou antre nan santiman moun ki nan Kanada epi fè yo mete men pou rezoud pwoblèm sante ak sosyal manman ak timoun peyi Dayiti ki nan lokalite Leyogàn ak Gresye, Fondation Jules et Paul-Émile Léger genyen tou yon ekspozisyon ki ap mache tout kote epi ki fè tout moun patisipe, ke Approprimage te kreye tou, pou li kapab kenbe dyalòg sou sijè Sante fanm ki ap fè pitit ak sante timoun an Ayiti.

PROSAMI, PATNE YO

YON REYALIZASYON